ຂ້າພະເຈົ້າຊື່ນ່ອງ ແສງພົມ, ຂ້າພະເຈົ້າຕັດສິນໃຈເອົາລູກມາຮຽນ ອິຊຶມິ ຍ້ອນຄວາມເຊື່ອໝັ້ນ ແລະ ສັດທານໍາຜູ້ບໍລິຫານ ແລະ ໝັ້ນໃຈວ່າຫຼັກສູດຂອງຍີ່ປຸ່ນ ຈະຊ່ວຍເສີມສ້າງພັດທະນາການຂອງລູກທັງສາມໄດ້ດີ. ຂ້າພະເຈົ້າຈຶ່ງຕັດສິນໃຈເອົາລູກ ຄົນທໍາອິດ ນາງ ແພັດ ຕີ້ ອາຍຸ 10 ປີ ແລະ ຄົນທີ່ສອງ ນາງ ລີສາ ອາຍຸ 9 ປີ ມາຮຽນປີ 2018 ຈົນມາຮອດປະຈຸບັນ. ຜົນໄດ້ຮັບເກີນຄາດ, ລູກທັງສອງສາມາດສອບເສັງຜ່ານໃບປະກາດຊະນີຍະບັດ ລະດັບ 1 ຈາກສະມາຄົມລູກຄິດແຫ່ງປະເທດຍີ່ປຸ່ນ ແລະ ທັງສອງສາວກໍສາມາດຄິດໄລ່ເລກໃນໃຈໄດ້ໄວ, ເວລາໄປສອບເສັງວິຊາຄະນິດສາດຢູ່ໂຮງຮຽນກໍເຮັດໄດ້ວ່ອງໄວກ່ວາໝູ່ເພື່ອນຄົນອື່ນ ຄືໝູ່ເພື່ອນຄົນອື່ນສອບເສັງໃຊ້ເວລາ 1 ຊົ່ວໂມງ, ແຕ່ລູກສາວທັງສອງໃຊ້ເວລາສອບເສັງພຽງແຕ່ 10 ນາທີເທົ່ານັ້ນ. ນອກຈາກນີ້ແລ້ວ, ລູກສາວທັງສອງຍັງມີສະມາທິສູງ, ຄວາມຈໍາເປັນເລີດ ແລະ ແກ້ໄຂບັນຫາຕ່າງໆເອົາເອງໄດ້ຢ່າງມີປະສິດທິຜົນ. ຍ້ອນເຫດຜົນດັ່ງກ່າວ, ຂ້າພະເຈົ້າຈຶ່ງຕັດສິນໃຈເອົາລູກຜູ້ທີສາມ, ຊື່ ທ້າວ ຟີນິກ ອາຍຸ 5 ປີ ມາເຂົ້າຮຽນ ສູນ ອິຊຶມິ ປີ 2019 ຈົນຮອດປະຈຸບັນ.
