ອາວເບີດ ອາຍສະຕາຍ (Albert Einstein) ນັກວິທະຍາສາດຊື່ສຽງໂດ່ງດັງລະດັບໂລກໄດ້ກ່າວໄວ້ວ່າ: “ທຸກໆຄົນເກີດມາແມ່ນເປັນອັດສະລິຍະ” ແຕ່ຖ້າເຮົາໃຫ້ປາປີນຂຶ້ນເທິງຕົ້ນໄມ້, ເຮົາໃຫ້ນົກລອຍນໍ້າ ແລະ ໃຫ້ມ້າບິນຂຶ້ນເທິງທ້ອງຟ້າ. ສັດທັງສາມໂຕ ປາ, ນົກ ແລະ ມ້າກໍຈະຄິດວ່າ ຕົນເອງຄືມາໂງ່ ແລະ ບໍ່ມີຄວາມສາມາດຫຍັງເລີຍ. ກໍເໝືອນດັ່ງກັບພໍ່ແມ່ ທີ່ມີລູກມີພອນສະຫວັນທາງດົນຕີ ແຕ່ໃຫ້ໄປຮຽນເລກ, ມີລູກມີພອນສະຫວັນທາງເລກ ແຕ່ໃຫ້ໄປຮຽນພາສາຈີນ, ມີພອນສະຫວັນທາງພາສາຈີນ, ແຕ່ໃຫ້ໄປແຕ້ມຮູບ. ເດັກທີ່ມີພອນສະຫວັນທັງດົນຕີ, ເລກ ແລະ ພາສາຈີນ ກໍຈະຄິດວ່່າຕົນເອງຄືມາໂງ່ ແລະ ເຮັດບໍ່ໄດ້ແທ້. ພໍ່ແມ່ຄວນສົ່ງເສີມພອນສະຫວັນ ແລະ ຈຸດແຂງຂອງລູກໃຫ້ຖືກທາງ.ປະຈຸບັນໂລກແຫ່ງຍຸກດິຈິຕໍ ປ່ຽນແປ່ງໄປແບບກ້າວກະໂດດ. ຍິ່ງພະຍາດໂຄວິດເກີດຂຶ້ນຫຼາຍເທົ່າໃດກໍຍິ່ງເລັ່ງປະຕິກິລິຍາໃຫ້ເທັກໂນໂລຊີກ້າວໄກໄວລະເບີດແບບເຮົາຕັ້ງໂຕບໍ່ທັນ. ໂຮງໜັງທີ່ໃຫຍ່ທີ່ສຸດໃນໂລກບໍ່ຈໍາເປັນຕ້ອງສ້າງໂຮງໜັງ, ບໍ່ຈໍາເປັນຕ້ອງມີສາຂາ, ບໍ່ຈໍາເປັນຕ້ອງຈ້າງພະນັກງານໃຫ້ສິນເປືອງຫຼາຍ. ແຕ່ເປັນໂຮງໜັງໃນລະບົບ Platform (App + Web) ນັ້ນກໍຄື Netflix. ຫ້າງຊັບພະສິນຄ້າ (Shopping Mall) ທີ່ໃຫຍ່ທີ່ສຸດໃນໂລກບໍ່ຈໍາເປັນຕ້ອງປຸກຕຶກ ແລະ ຂະຫຍາຍສາຂາໃຫ້ມີຕົ້ນທຶນສູງ, ບໍ່ຈໍາເປັນຕ້ອງຜະລິດສິນຄ້າເປັນຂອງຕົນເອງ. ເປັນພຽງແຕ່ລະບົບ Platform (App + Web) ນັ້ນກໍຄື Alibaba, Amazon, Shopee, Lazada... ທະນາຄານທີ່ໃຫຍ່ທີ່ສຸດໃນໂລກ ທີ່ຄົນທົ່ວໂລກເອົາເງິນໄປລົງທຶນຫຼາຍກ່ວາ 1,000,000 ລ້ານໂດລາ, ບໍ່ໄດ້ມີສາຂາ, ບໍ່ໄດ້ປຸກຕຶກ. ແຕ່ເປັນ Bitcoin ເທິງລະບົບເທັກໂນໂລຊີ Blockchain ທີ່ມີລະບົບເຮັດວຽກຢູ່ຫຼັງບ້ານເປັນ Computer Program. ທະນາຄານທີ່ໃຫຍ່ທີ່ສຸດຢູ່ເກົາຫຼີໃຕ້ ບໍ່ຈໍາເປັນຕ້ອງປຸກຕຶກທະນາຄານ ແລະ ຂະຫຍາຍສາຂາ, ບໍ່ມີນາຍທະນາຄານ, ບໍ່ຈ້າງພະນັກງານຫຼາຍ, ແຕ່ເປັນທະນາຄານ Digital Bank (App + Web) ນັ້ນຄືທະນາຄານ Kakao Bank. ຮ້ານອາຫານທີ່ໃຫຍ່ທີ່ສຸດໃນໂລກ ບໍ່ຈໍາເປັນຕ້ອງມີໜ້າຮ້ານອາຫານ, ບໍ່ຈໍາເປັນຕ້ອງເຮັດອາຫານເອງ, ບໍ່ຈໍາເປັນຕ້ອງມີເຮືອນຄົວເອງ. ແຕ່ເປັນລະບົບ Platform (App + Web) ນັ້ນກໍຄື Food Panda... ພໍ່ແມ່ຜູ້ປົກຄອງທຸກໆທ່ານຄວນເປີດໂລກະທັດໃໝ່ສະໜັບສະໜູນໃຫ້ລູກໄດ້ຮຽນຮູ້ຄະນິດສາດ, ວິທະຍາສາດ ແລະ ເທັກໂນໂລຊີໂດຍສະເພາະແມ່ນ ຄອມພິວເຕີໂປຣແກມ ຕັ້ງແຕ່ຕອນຍັງນ້ອຍໆເພື່ອປູພື້ນຖານໃຫ້ເຂົາເຈົ້າທັນກັບໂລກອະນາຄົດທີ່ມີການປ່ຽນແປງຢ່າງບໍ່ຢຸດຢັ້ງ. ຈົ່ງວ່າລືມວ່າວິຊາຄະນິດສາດເປັນພື້ນຖານຂອງວິຊາຄອມພິວເຕີ, ເປັນພື້ນຖານຂອງວິຊາວິທະຍາສາດ ແລະ ວິຊາເທັກໂນໂລຊີທຸກໆຂະແໜງການ. ມາພ້ອມໃຈກັນໃຫ້ລູກຮຽນຄະນິດສາດດ້ວຍລູກຄິດຍີ່ປຸ່ນແບບສະໜຸນສະໜານ ແລະ ມ່ວນຊື່ນຕັ້ງແຕ່ມື້ນີ້ເປັນຕົ້ນໄປ.
ຫັດສະຫວັນ ແຮມະນີ (ຄູເຊັ່ງ)
ອິຊຶມິ ມີປະສົບການສອນຫຼາຍກ່ວາ 45 ປີ. ປະສົບການດັ່ງກ່າວຈະເປັນສິ່ງທີ່ສ້າງແຮງຈູງໃຈໃຫ້ເດັກມີຄວາມກະຕືລືລົ້ນໃນການຮຽນຮູ້ແບບສ້າງສັນ ແລະ ສະໜຸນສະໜານ.
ສູນການສຶກສາ ອິຊຶມິ ໄດ້ຂະຫຍາຍສາຂາມາໃນປະເທດຂົງເຂດອາຊີອາຄະເນເຊັ່ນ: ປະເທດຫວຽດນາມ, ລາວ, ຟິລິບປິນ ແລະ ອິນໂດເນເຊຍ. ເພື່ອຈຸດປະສົງຢາກໃຫ້ເດັກນ້ອຍໃນຂົງເຂດອາຊີອາຄະເນນີ້ໄດ້ຮຽນຮູ້ ແລະ ພັດທະນາສິ່ງທີ່ເປັນປະໂຫຍດທີ່ສຸດໃຫ້ແກ່ເຂົາເຈົ້າ.
ທຸກໆຄັ້ງທີ່ນັກຮຽນເຂົ້າຫ້ອງຮຽນ ຈະໄດ້ລົງມືປະຕິບັດຕົວຈິງໃນການໃຊ້ລູກຄິດຄິດໄລ່ຄະນິດສາດເຊິ່ງຈະເປັນການກະຕຸ້ນໃຫ້ເດັກຄິດໄລ່ເລກໃນໃຈໄດ້ໄວແລ້ວ, ຍັງກະຕຸ້ນສະໝອງເບື້ອງຂວາເຊິ່ງເປັນສະໝອງແຫ່ງຄວາມຄິດສ້າງສັນ, ຈິນຕະນາການ, ຄວາມຈໍາດີເລີດ, ສະມາທິສູງ, ສະໝອງດີ, ສະໝອງໄວ ແລະ ແກ້ໄຂບັນຫາຕ່າງໆໄດ້ຢ່າງວ່ອງໄວ..
ໝາກຫົວໃຈຫຼັກຂອງຫຼັກສູດ ອິຊຶມິ ແມ່ນຄວາມມ່ວນຊື່ນ. ພວກເຮົາສາມາດເຮັດໃຫ້ເດັກທີ່ບໍ່ມັກຄະນິດສາດກາຍເປັນເດັກທີ່ມັກຮຽນຄະນິດສາດ. ໃນຫ້ອງຮຽນນອກຈາກການຮຽນລູກຄິດແລ້ວ, ພວກເຮົາຍັງມີການສອດແສກການຫຼິ້ນເກມລວມໝູ່ເພື່ອສ້າງຄວາມສາມັກຄີິໃນໝູ່ເພື່ອນ ແລະ ເຮັດໃຫ້ເດັກສະໜຸກສະໜານກັບການຮຽນນໍາອີກ.
ຫຼັກສູດລູກຄິດຍີ່ປຸ່ນ ແບບ ອິຊຶມິແມ່ນມີທັງໝົດ 20 ລະດັບ (20 Levels). ລະດັບ 20 ແມ່ນລະດັບທີ່ງ່າຍທີ່ສຸດເຊິ່ງລວມເອົາການບວກ ແລະ ການລົບເລກ ໜຶ່ງຫົວໜ່ວຍ. ລະດັບ 1 ແມ່ນລະດັບທີ່ຍາກທີ່ສຸດ ແລະ ສັບສົນທີ່ສຸດເຊິ່ງລວມເອົາການບວກ, ລົບ, ຄູນ ແລະ ຫານເລກຈຸດເປັນຕົວເລກ 10 ຫາ 12 ຫົວໜ່ວຍ. ນັກຮຽນທຸກໆຄົນຈະໄດ້ຮຽນເລີ່ມຕົ້ນຕັ້ງແຕ່ລະດັບ 20 ຫາ ລະດັບ 1. ຜູ້ທີ່ຮຽນຮອດລະດັບ 10, 9, 8, 7, 6, 5, 4, 3, 2, 1 ຈະໄດ້ສອບເສັງເພື່ອເອົາໃບປະກາດຊະນີຍະບັດຈາກສະມາຄົມລູກຄິດແຫ່ງປະເທດຍີ່ປຸ່ນ. ໂດຍສ່ວນໃຫຍ່ນັກຮຽນຄົນໜຶ່ງຈະມາຮຽນອາທິດລະ 2 ຄັ້ງ, ຄັ້ງລະ 1 ຊົ່ວໂມງ. ໃນ 1 ຊົ່ວໂມງນັ້ນຈະແບ່ງຫຼັກສູດການຮຽນການສອນອອກເປັນ 3 ພາກໃຫຍ່ຄື:
ໃຊ້ລູກຄິດຍີ່ປຸ່ນເຂົ້າການບວກ, ລົບ, ຄູນ, ຫານ (30 ນາທີ)
ໃຊ້ຄອມພິວເຕີເພື່ອໃຫ້ນັກຮຽນບວກ ແລະ ລົບເລກໃນໃຈ (10 ນາທີ)
ໃຫ້ນັກຮຽນຄິດໄລ່ເລກໃນໃຈແບບບໍ່ໃຊ້ລູກຄິດ (Flash Anzan) (20 ນາທີ)
ອິຊຶມິ ຍີ່ປຸ່ນ ຖືກສ້າງຕັ້ງຂຶ້ນໂດຍທ່ານ ຮີໂຣະຊິ ຢາຊາກິ ໃນເດືອນ ມິຖຸນາ ປີ 1977 ກັບພະນັກງານອີກ 3 ຄົນ ເລີ່ມຕົ້ນສາຂາຫ້ອງຮຽນທໍາອິດແມ່ນຢູ່ເມືອງ ຈິໂນະ ແຂວງນາກາໂນ້ ປະເທດຍີ່ປຸ່ນ. ປະຈຸບັນມີພະນັກງານຫຼາຍກ່ວາ 500 ຄົນ. ຂະຫຍາຍສາຂາໄປຫຼາຍກ່ວາ 60 ແຫ່ງໃນແຂວງນາກາໂນ້ ແລະ ແຂວງຢາມານາຊິ. ມີນັກຮຽນມາຮຽນເປັນຈໍານວນຫຼາຍກ່ວາ 5,000 ຄົນ. ພ້ອມດຽວກັນນີ້ກໍໄດ້ຂະຫຍາຍຫຼັກສູດລູກຄິດຍີ່ປຸ່ນໄປປະເທດອາຊີອາຄະເນເຊັ່ນ: ປະເທດລາວ, ຫວຽດນາມ, ຟິລິບປິນ ແລະ ອິນໂດເນເຊຍ. .